Ang kahayag sa adlaw karon
wala magpatim-aw
kini gibabagan sa itom nga panganod
nga sa kalit nahulog ingon nga tubig
nga nagbisbis sa sagbot og tanaman.
Ang kahayag sa adlaw gihulaman
sa kabugnaw sa ulan
ug ang adlaw nagdumili sa pagpahiyum
pinaagi sa iyang mainitong silaw.
Karon ang adlaw nahanaw
og nakigduyog sa kabugnaw sa ulan.
Martes, Hulyo 13, 2010
Biyernes, Hunyo 4, 2010
Ako Mihilak Karon
Ako mihilak karon
sa akong nakita
nga ang mga kahoy
nga kaniadto maoy akong danggan
aron mopasilong sa iyang anino
aron mosud-ong sa iyang katahum
aron mohanggaw sa iyang lab-as
nga ginhawa, kini nawala.
Ang maong kakayohan sa akong
palibot giputol ug gidagmalan.
Ako mihilak karon kay akong
gihandom ang maong kakahoyan
nga unta maoy akong kasalo sa
akong hudyaka, nga unta maoy
akong dalangpan og daganan
sa diha nga magalintabo ang akong dughan
nga unta maoy akong kadaganan sa diha
nga ako molingkod sa mga sagbot
og mabuboon sa anino sa iyang mga dahon
nga maoy nagputos kanako gikan sa
masilaw nga init sa adlaw.
Ako mihilak kay ang mipuli
sa maong kakayohan mao ang aspalto
nga maoy parkengan sa mga awto
og dagkong sakyanan
Ako mihilak kay ang malipayong
kinabuhi sa mga kahoy giilisan
sa taphaw nga timaan sa kauswagan.
Ako mihilaw kay ang ako gimingaw
sa kanhi nga naglibot nga kakahuyan.
June 4, 2010
sa akong nakita
nga ang mga kahoy
nga kaniadto maoy akong danggan
aron mopasilong sa iyang anino
aron mosud-ong sa iyang katahum
aron mohanggaw sa iyang lab-as
nga ginhawa, kini nawala.
Ang maong kakayohan sa akong
palibot giputol ug gidagmalan.
Ako mihilak karon kay akong
gihandom ang maong kakahoyan
nga unta maoy akong kasalo sa
akong hudyaka, nga unta maoy
akong dalangpan og daganan
sa diha nga magalintabo ang akong dughan
nga unta maoy akong kadaganan sa diha
nga ako molingkod sa mga sagbot
og mabuboon sa anino sa iyang mga dahon
nga maoy nagputos kanako gikan sa
masilaw nga init sa adlaw.
Ako mihilak kay ang mipuli
sa maong kakayohan mao ang aspalto
nga maoy parkengan sa mga awto
og dagkong sakyanan
Ako mihilak kay ang malipayong
kinabuhi sa mga kahoy giilisan
sa taphaw nga timaan sa kauswagan.
Ako mihilaw kay ang ako gimingaw
sa kanhi nga naglibot nga kakahuyan.
June 4, 2010
Sabado, Mayo 22, 2010
Padayon ang Adlaw sa Paglaylay
Misulaw na usab ang adlaw
Laing adlaw og mga adlaw
nga ang maong kahayag nagadan-ag
Sa kasingkasing nga nagbangutan
ang adlaw nagahatag og pahiyum.
Padayon adlaw sa paglaylay
sa imong awit sa kasingkasing
Padayon adlaw sa pagdilaab
sa gugma nga mahatag ngadto sa
matag usa nga akong makita karon.
Laing adlaw og mga adlaw
nga ang maong kahayag nagadan-ag
Sa kasingkasing nga nagbangutan
ang adlaw nagahatag og pahiyum.
Padayon adlaw sa paglaylay
sa imong awit sa kasingkasing
Padayon adlaw sa pagdilaab
sa gugma nga mahatag ngadto sa
matag usa nga akong makita karon.
Biyernes, Mayo 21, 2010
Paglubong ni Anja Uban sa Silaw sa Adlaw
Karong buntaga among gilubong
ang usa ka inahan sa akong estudyante
Sulod sa simbahan nagpunsisok
ang nga kaeskuyla, magtutudlo,
higala, silangan og familya
sa pagdala sa lawas ni Anja
ngadto sa mga kamot ni Bathala.
Usa ka gatos o sobra pa
ang miduyog og mipadayag sa ilang
kasubo sa pag-ila nga ang usa ka
inahan nawala gikan sa iyang bana
og duha ka mga anak sa pilok sa mata
Siya nahanaw uban sa iyang katawa,
pagmahal og mga handumanan sa iyang
pakigkauban og mahuluganong presensya.
Niining buntaga among giubanan
ang familya og si Anja ngadto
sa iyang puluy-anan nga walay
pagkadugta, puluy-anan nga kitang
tanan maoy padulgan sa pagpilok sa mata.
Niining buntag ang kahayag sa adlaw
miduyag sa paghatag sa iyang kainit
ug gugma ngadto sa mga dughan nga
nagbangutan niining adlawa.
Kaanindot paglakaw gikan sa simbahan
human sa paghandom ni Anja ngadto
kahayag sa gawas gikan sa silaw
sa adlaw nga nagadan-ag og nagmaymay.
ang usa ka inahan sa akong estudyante
Sulod sa simbahan nagpunsisok
ang nga kaeskuyla, magtutudlo,
higala, silangan og familya
sa pagdala sa lawas ni Anja
ngadto sa mga kamot ni Bathala.
Usa ka gatos o sobra pa
ang miduyog og mipadayag sa ilang
kasubo sa pag-ila nga ang usa ka
inahan nawala gikan sa iyang bana
og duha ka mga anak sa pilok sa mata
Siya nahanaw uban sa iyang katawa,
pagmahal og mga handumanan sa iyang
pakigkauban og mahuluganong presensya.
Niining buntaga among giubanan
ang familya og si Anja ngadto
sa iyang puluy-anan nga walay
pagkadugta, puluy-anan nga kitang
tanan maoy padulgan sa pagpilok sa mata.
Niining buntag ang kahayag sa adlaw
miduyag sa paghatag sa iyang kainit
ug gugma ngadto sa mga dughan nga
nagbangutan niining adlawa.
Kaanindot paglakaw gikan sa simbahan
human sa paghandom ni Anja ngadto
kahayag sa gawas gikan sa silaw
sa adlaw nga nagadan-ag og nagmaymay.
Huwebes, Mayo 13, 2010
Ang Kabugnaw sa Kasingkasing
Mahanggaw ang kabugnaw sa kasingkasing
sa diha nga ang kapikas sa kinabuhi
di man lang manumbaling sa kapikas
bisan pa man siya nasakit og naguol.
Ang kabugnaw sa kasingkasing mahangpaw
diha sa mga gutlo diin ang kapikas
di man lang manumbaling sa pagtubag
sa pangutana nga nagkinahanglan og tubag.
Ang kabugnaw sa kasingkasing masinati
diha kung ang kapikas gibali wala
sama sa usa nga wala magatindog nga buhi
sama sa anino lamang nga mahanaw og lumalabay.
Ang kabugnaw sa kasingkasing nagkinahanglan
sa kainit adlaw, sa adlaw nga magdilaab
sa kainit unta sa gugma nga dili mahikawan
sa pagpakita pinaagi sa buhi nga timaan nga makita.
sa diha nga ang kapikas sa kinabuhi
di man lang manumbaling sa kapikas
bisan pa man siya nasakit og naguol.
Ang kabugnaw sa kasingkasing mahangpaw
diha sa mga gutlo diin ang kapikas
di man lang manumbaling sa pagtubag
sa pangutana nga nagkinahanglan og tubag.
Ang kabugnaw sa kasingkasing masinati
diha kung ang kapikas gibali wala
sama sa usa nga wala magatindog nga buhi
sama sa anino lamang nga mahanaw og lumalabay.
Ang kabugnaw sa kasingkasing nagkinahanglan
sa kainit adlaw, sa adlaw nga magdilaab
sa kainit unta sa gugma nga dili mahikawan
sa pagpakita pinaagi sa buhi nga timaan nga makita.
Martes, Mayo 4, 2010
Tugnaw Bisan Pa Man sa Silaw sa Adlaw
Tungod sa kahayag sa adlaw
giputos ko ang akong lawas
sa biste nga alang sa panahon:
nipis nga saliko, gamay nga sapatos
og nagwagtang sa daghang putos sa lawas.
Ang kahayag sa adlaw
nagtanyag sa tawo nga mahimong gawasnon
gikan sa daghang panapton nga gilimin
sa panit og kalawasan.
Ang adlaw nagahatag sa tawo sa kagawasan
sa paggawas ingon nga matuod nga tawo
gikuhasan sa kaugalingong pagtago
og pagpakaaron-ingnon ngadto sa pagkamatuod
nga tawo.
giputos ko ang akong lawas
sa biste nga alang sa panahon:
nipis nga saliko, gamay nga sapatos
og nagwagtang sa daghang putos sa lawas.
Ang kahayag sa adlaw
nagtanyag sa tawo nga mahimong gawasnon
gikan sa daghang panapton nga gilimin
sa panit og kalawasan.
Ang adlaw nagahatag sa tawo sa kagawasan
sa paggawas ingon nga matuod nga tawo
gikuhasan sa kaugalingong pagtago
og pagpakaaron-ingnon ngadto sa pagkamatuod
nga tawo.
Sabado, Mayo 1, 2010
Ang Katugnaw
Unsa katugnaw sa palibot
kung mawala ang kainit sa adlaw!
The Covenant, 30x40 cm, acryl on canvas, painted by Elizabeth Padillo Olesen
Ang Katugnaw
Unsa kamingaw sa palibot
kung wala ang kainit sa gugma
sa atong mga minahal!
Unsa ka kalilom sa mga balod
sa dagat kung walay mabahinan
sa hudyaka nga atong masinati
sa dughan, sa palibot nga gipuy-an
og sa mga hitabo sa kapanahonan!
Elizabeth Padillo Olesen (written originally in Cebuano language)
March 21, 2016
Translation from Cebuano to English
The Coldness
How cold is all that surrounds us
when there are no rays of the sun!
How lonely our surroundings could be
if there were no love from the hearts
of those whom we love!
How silent are the waves of the sea
when there is no one to share
the joys we feel in our hearts,
in our surrounding habitat
and in the joyful events in our time!
Translated also by Elizabeth Padillo Olesen from Cebuano to English
March 21, 2016
kung mawala ang kainit sa adlaw!
The Covenant, 30x40 cm, acryl on canvas, painted by Elizabeth Padillo Olesen Ang Katugnaw
Unsa kamingaw sa palibot
kung wala ang kainit sa gugma
sa atong mga minahal!
Unsa ka kalilom sa mga balod
sa dagat kung walay mabahinan
sa hudyaka nga atong masinati
sa dughan, sa palibot nga gipuy-an
og sa mga hitabo sa kapanahonan!
Elizabeth Padillo Olesen (written originally in Cebuano language)
March 21, 2016
Translation from Cebuano to English
The Coldness
How cold is all that surrounds us
when there are no rays of the sun!
How lonely our surroundings could be
if there were no love from the hearts
of those whom we love!
How silent are the waves of the sea
when there is no one to share
the joys we feel in our hearts,
in our surrounding habitat
and in the joyful events in our time!
Translated also by Elizabeth Padillo Olesen from Cebuano to English
March 21, 2016
Human sa Ulan
Human sa ulan ang malipayong panagway sa adlaw
nagpakita na usab,sama nga nagalaylay og awit
sa katawhan kinsa nagahulat nga ang tubig gikan
sa langit mohunong na sa pagtagak og pagsibwak.
Karon nga ang tubig gikan sa langit mihunong
na sa iyang pagbisbis, karon nga ang kainit og
kasulaw sa adlaw nagpakita, panahon na usab
sa paggula, sa pag-ugmad sa yuta og tanaman.
Ang palibot gilikosan sa mahigugmaong gakos
sa adlaw nga naghatag og kalipay og kusog.
_______________
(After the rain
comes the sun
to embrace us
with joy and strength)
nagpakita na usab,sama nga nagalaylay og awit
sa katawhan kinsa nagahulat nga ang tubig gikan
sa langit mohunong na sa pagtagak og pagsibwak.
Karon nga ang tubig gikan sa langit mihunong
na sa iyang pagbisbis, karon nga ang kainit og
kasulaw sa adlaw nagpakita, panahon na usab
sa paggula, sa pag-ugmad sa yuta og tanaman.
Ang palibot gilikosan sa mahigugmaong gakos
sa adlaw nga naghatag og kalipay og kusog.
_______________
(After the rain
comes the sun
to embrace us
with joy and strength)
Biyernes, Abril 30, 2010
Ug ang Adlaw Nahanaw Karon
Karon ang silaw sa adlaw midumili sa pagpakita
Karon ang maong silaw gisalipdan sa panganod
Ang dag-um milutaw ang ulan mipuli sa kasilaw.
Karon magdumili ako sa paggula paingon sa tanaman
Karon modumili ako sa pagbugwal sa yuta
Karon dawaton ko ang kamatuoran nga ang
silaw sa adlaw dili sa tanang adlaw magpakita.
Elizabeth Padillo Olesen
April 30, 2010
Karon ang maong silaw gisalipdan sa panganod
Ang dag-um milutaw ang ulan mipuli sa kasilaw.
Karon magdumili ako sa paggula paingon sa tanaman
Karon modumili ako sa pagbugwal sa yuta
Karon dawaton ko ang kamatuoran nga ang
silaw sa adlaw dili sa tanang adlaw magpakita.
Elizabeth Padillo Olesen
April 30, 2010
Sabado, Abril 24, 2010
Adlaw
Adlaw
Giampoan ka sa mga tawo sa daang katuigan
tungod kay ang imong kahayag og kainit nagdala
og gahum og kausaban sa dagway sa yutang natawhan
Gikahadlokan tungod kay ang imong kainit makasunog
sa panit og makauga sa tananam nga giuhaw
makakuha sa ginhawa sa mga kahayupan kung
and imong kainit dili mapoypoy sa tubig nga mabugnaw.
Adlaw, adlaw, hari sa kalibutan, nalingkod ka
sa trono sa kahitas-an, nagadalit sa katawhan
sa madagayaong abot og sa laing higayon ang imong
masuk-anong kainit nagapatay sa hayop og tanaman.
Adlaw, nahimutang ka sa kahitas-an
apan ikaw sama lamang sa tawo
nga gibuhat gikan sa ginhawa sa Magbubuhat sa Tanan.
April 24, 2010
Giampoan ka sa mga tawo sa daang katuigan
tungod kay ang imong kahayag og kainit nagdala
og gahum og kausaban sa dagway sa yutang natawhan
Gikahadlokan tungod kay ang imong kainit makasunog
sa panit og makauga sa tananam nga giuhaw
makakuha sa ginhawa sa mga kahayupan kung
and imong kainit dili mapoypoy sa tubig nga mabugnaw.
Adlaw, adlaw, hari sa kalibutan, nalingkod ka
sa trono sa kahitas-an, nagadalit sa katawhan
sa madagayaong abot og sa laing higayon ang imong
masuk-anong kainit nagapatay sa hayop og tanaman.
Adlaw, nahimutang ka sa kahitas-an
apan ikaw sama lamang sa tawo
nga gibuhat gikan sa ginhawa sa Magbubuhat sa Tanan.
April 24, 2010
Balak sa Kinaiyahan (Poems on Nature) in Cebuano language
KAINIT SA ADLAW
Gikan sa kahitas-an
nagahatag kusog sa tanaman
nagahalok sa mga bulak
og nagsabwag sa ilang kahumot
sa palibot nga puluy-anan.
Adlaw, pagkaon ka sa tanaman
Pagkaon ka sa yuta aron maugmad
Pagkaon ka sa lawas sa tawo
aron magalagsik sa among kabugokan.
Pagkaon ka sa among mga mata
nga nagadalit sa katahum sa among yuta.
____________________
Elizabeth Padillo Olesen
a poem on the importance of the Sun
originally written in Cebuano language
Kainit sa Adlaw
Ang Kainit sa Adlaw
Sa Pilipinas ang kainit sa adlaw giila nga kabug-at ilabina kung kini mosangpot sa tumang kahangos, kauhaw og pagkamatay sa mga tanom og halaman. Ang magasakay sa mga gagmay nga banka magtabon sa ilang mga nawong og lawas aron lamang ang kainit sa adlaw dili makahikap sa ilang panit nga magahatag og buwag singot og sama nga napaso sa kalayo. Ang tumang kainit sa adlaw wala gidawat uban sa kalipay ilabina sa mga nagbiyahe og naglakaw sa karsada.
Apan tinood ang kainit sa adlaw gikihanglan aron ang tanom mabuhi og mobulak og molambo. Ang kainit sa adlaw gikinahanglan aron ang mga nagabiyahe mopadayon sa biyahe sa walay kahasol sama sa mahatag sa ulan. Ang kainit sa adlaw nagahatag og kusog sa atong lawas, nagahatag og vitamin D nga makuha lamang sa bidlisiw sa adlaw nga nagalig-on sa atong kabokogan.
Apan ang tumang kainit sa adlaw gikahadlokan sa katawhan kay nagpasabot usab ilabina sa gagmay nga kaislahan nga ang tinubdan sa ilang tubig nga mainom gikan sa ilang mga tabay mahimong parat. Kini nagkahulugan sa kamatayon sa mga tanom og mga kahayupan. Kini nagkahulugan sa tumang kauhaw ug kasayon nga pagtakboy sa balatian.
Apan dire sa Europa ang kainit sa adlaw human sa taas nga winter og panahon sa yelo og katugnaw, ang adlaw usa ka tinubdan sa dakong kalipay. Kalipay nga makahimo na ang katawhan sa pagguwa gikan sa ilang kabalayan sa walay pagsul-ob sa daghan bahin sa biste aron lang nga maputos ang lawas gikan sa tumang katugnaw. Kini nagkahulugan nga ang matag usa may kagawasan sa paglakaw sa kadalanan sa walay pagsul-ob og bug-at nga sapatos aron dili madakin-as. Nagkahulagan nga ang matag usa may kahigayon sa pagpadagan sa iyang sakyanan sa bisan asang dapit adtoan sa walay pagpaabot kung unsa ang hatag nga adlaw nga report sa kinaiyahan.
Ang kainit sa adlaw ginadawat sa tumang kalipay og kahinam alang sa gawasnon nga kalihukan gawas sa balay og sa kaugalingong palibot nga harden uban sa kabulakan og kakahuyan.
Abril 24, 2010, Elizabeth Padillo Olesen
sa Cebuano nga lenguahe
Sa Pilipinas ang kainit sa adlaw giila nga kabug-at ilabina kung kini mosangpot sa tumang kahangos, kauhaw og pagkamatay sa mga tanom og halaman. Ang magasakay sa mga gagmay nga banka magtabon sa ilang mga nawong og lawas aron lamang ang kainit sa adlaw dili makahikap sa ilang panit nga magahatag og buwag singot og sama nga napaso sa kalayo. Ang tumang kainit sa adlaw wala gidawat uban sa kalipay ilabina sa mga nagbiyahe og naglakaw sa karsada.
Apan tinood ang kainit sa adlaw gikihanglan aron ang tanom mabuhi og mobulak og molambo. Ang kainit sa adlaw gikinahanglan aron ang mga nagabiyahe mopadayon sa biyahe sa walay kahasol sama sa mahatag sa ulan. Ang kainit sa adlaw nagahatag og kusog sa atong lawas, nagahatag og vitamin D nga makuha lamang sa bidlisiw sa adlaw nga nagalig-on sa atong kabokogan.
Apan ang tumang kainit sa adlaw gikahadlokan sa katawhan kay nagpasabot usab ilabina sa gagmay nga kaislahan nga ang tinubdan sa ilang tubig nga mainom gikan sa ilang mga tabay mahimong parat. Kini nagkahulugan sa kamatayon sa mga tanom og mga kahayupan. Kini nagkahulugan sa tumang kauhaw ug kasayon nga pagtakboy sa balatian.
Apan dire sa Europa ang kainit sa adlaw human sa taas nga winter og panahon sa yelo og katugnaw, ang adlaw usa ka tinubdan sa dakong kalipay. Kalipay nga makahimo na ang katawhan sa pagguwa gikan sa ilang kabalayan sa walay pagsul-ob sa daghan bahin sa biste aron lang nga maputos ang lawas gikan sa tumang katugnaw. Kini nagkahulugan nga ang matag usa may kagawasan sa paglakaw sa kadalanan sa walay pagsul-ob og bug-at nga sapatos aron dili madakin-as. Nagkahulagan nga ang matag usa may kahigayon sa pagpadagan sa iyang sakyanan sa bisan asang dapit adtoan sa walay pagpaabot kung unsa ang hatag nga adlaw nga report sa kinaiyahan.
Ang kainit sa adlaw ginadawat sa tumang kalipay og kahinam alang sa gawasnon nga kalihukan gawas sa balay og sa kaugalingong palibot nga harden uban sa kabulakan og kakahuyan.
Abril 24, 2010, Elizabeth Padillo Olesen
sa Cebuano nga lenguahe
Mag-subscribe sa:
Mga Post (Atom)
