Human sa mga adlaw sa yelo
nga nagatabon sa kadalanan,
tanaman og kabalayan,
ania mitakyop kanato
ang tumang kabugnaw
nga sa lawas makapakurog.
Human sa mga adlaw
sa yelo nga nagapintal
sa palibot ingon nga putling
baybayon, ania na usab
nahulog ang ulan nga maoy
natunaw sa yelo nga mabugnaw.
Nahulog sa yuta o natunaw
ang kabugnaw nagapadayon
og kablit sa atong kalawasan.
Ang matag-usa nangindahay
sa kainit sa adlaw nga mosilaw.
___________
February 22, 2012
Mag-subscribe sa:
I-post ang Mga Komento (Atom)
Walang komento:
Mag-post ng isang Komento